Shërbimet sekrete perëndimore raportojnë se Rusia po rekruton vullnetarë për të formuar një batalion të ri që do të vendoset në Ukrainë.
Batalioni i ri do të quhet “Samara”, dhe pritet t’i bashkohet Korpusit të Tretë të Ushtrisë së Forcave të Armatosura Ruse.
Sipas ekspertëve nga Instituti për Studimin e Luftës, njësia e re do të përbëhet nga 15,500 burra pa përvojë të mëparshme ushtarake dhe të moshës midis 18 dhe 50 vjeç dhe do të jetë me bazë në Mulino, në rajonin e Nizhny Novgorod.
Ndërkohë, Moska vazhdon të trajnojë vullnetarë në rajonet Novosibirsk, Saratov, Ulyanovsk dhe Kurgan për luftën në Ukrainë, duke përforcuar të dhënat e mëparshme se lufta po hyn në një fazë të re.
