Tottenhami ka barazuar shifrat në 1-1 ndaj Chelseat në ndeshjen që po luhet në kuadër të javës së dytë.
Spurs shënuan një gol tejet kontrovers ndaj The Blues, pasi kishte disa ndërhyrje të dyshimta.
Fillimisht kishte një ndërhyrje ndaj Kai Havertz, e më pas u dyshua edhe se Richarlison i kishte zënë rrezen e shikimit portierit Eduar Mendy.
Por, goli i shënua nga Pierre-Emile Hojbjerg në minutën e 68-të u pranua edhe nga VAR-i, derisa kishte protesta të ashpra nga kampi i Chelseat.
Antonio Conte dhe Thomas Tuchel kishin një konfrontim afër vijës së fushës, ndërsa që të dy u ndëshkuan me kartonë të verdhë.
Por, Blutë reaguan shpejt, duke rikthyer epërsinë në 2-1 me anë të Reece James në minutën e 78-të.
