Këtë të martë, Kina vendosi sanksione ndaj shtatë zyrtarëve dhe ligjvënësve tajvanezë. Këta të fundit akuzohen si të pabesë dhe që kanë kërkuar e duan pavarësi nga Pekini.
Sanksionet vijnë pasi kryetarja e Dhomës së Përfaqësuesve të SHBA, Nancy Pelosi vizitoi Tajvanin këtë muaj, një udhëtim që Kina tha se kishte dërguar një sinjal të gabuar për ato që i konsideron si forca pro-pavarësisë, shkruan “Reuters”.
Në mesin të sanksionuarve janë ambasadori i Tajvanit në Shtetet e Bashkuara, Hsiao Bi-Khim, Sekretari i Përgjithshëm i Këshillit të Sigurisë Kombëtare të Tajvanit, Wellington Koo dhe politikanë nga Partia Demokratike Progresive në pushtet në Tajvan.
Një zëdhënës u shpreh se të sanksionuarit nuk do të mund të vizitojnë Kinën, Hong Kongun dhe Makaon.
Firmat dhe investitorët e lidhur me to gjithashtu nuk do të lejohen të ushtrojnë aktivitetin e tyre në Kinë.
