Borussia Dortmund e ka përjashtuar veten nga një lëvizje për Cristiano Ronaldon, me këtë të fundit që po e kërkon me ngulm largimin nga Manchester United.
Drejtori sportiv i Dortmundit, Sebastian Kehl këmbënguli se klubi nuk do të nënshkruante me superyllin 37-vjeçar, por pranoi se spekulimet kishin sjellë ‘shifra të jashtëzakonshme të klikimeve’ në faqen e tyre të internetit.
Megjithëse ardhja e Ronaldos ka të ngjarë të rrisë edhe më shumë shifrat dixhitale, gjigantët e Bundesligës nuk duan që ndjekësit e tij të drejtojnë politikën e tyre të transferimeve.
Ronaldo ka ndjekur në mënyrë aktive një rrugëdalje nga Old Trafford gjatë gjithë verës, i etur për të luajtur për një klub në Ligën e Kampionëve dhe për të ndjekur më shumë trofe të mëdhenj në fund të karrierës së tij.
Pesë herë fituesi i Topit të Artë u lidh fillimisht me lëvizjet te Chelsea dhe Bayern Munich, por opsionet janë zvogëluar në mënyrë dramatike që kur ai dorëzoi kërkesën e tij fillestare për transferim.
Dortmundi është bërë klubi i fundit që e ka përjashtuar veten nga gara, edhe pse Kehl pranoi se ylli i Djajve të Kuq kishte ‘shifra të jashtëzakonshme të klikimeve’.
Ai tha për BILD TV: “Cristiano Ronaldo nuk do të transferohet te Borussia Dortmund. Kjo është kështu”.
“Shifrat e klikimeve ishin ndoshta të jashtëzakonshme, por ne kemi bërë disa gjëra gjatë ditëve të fundit për të zbardhur këtë thashethem”.
Pavarësisht mungesës së interesit të tyre, 42-vjeçari gjerman lavdëroi me zell talentin e Ronaldos dhe tha: “Ai është sigurisht një lojtar fantastik, një futbollist botëror”.
Duke dhuruar një fillim të mjerueshëm të sezonit, duke humbur 2-1 nga Brighton në fundjavën e hapjes përpara se të pësonin një mposhtje 4-0 nga Brentford të shtunën e kaluar, Manchester United dhe Ronaldo presin Liverpool në Old Trafford të hënën në mbrëmje (sot). /Telegrafi/
