Pas vdekjes së monarkes më jetëgjatë të Britanisë (Mbretëresha Elizabeth II), mbreti Charles III mori fronin si mbreti më I ri I Anglisë.
73-vjeçari zyrtarisht mori zotimet si mbreti i ri duke thënë se ai ishte “thellësisht i vetëdijshëm” për “detyrat dhe përgjegjësinë e sovranitetit”.
Kurioziteti rreth të kaluarës dhe jetës personale të mbretërve të rinj ka ardhur duke u rritur, dhe për të qetësuar mendimet bredhëse, më poshtë është një listë me fakte interesante rreth Mbretit të ri Britanik.
1) Ai është monarku i tretë i Anglisë që quhet “Mbreti Charles”.
Mbreti Charles I, monarku që pasoi babain e tij James I në 1625 si Mbret i Anglisë dhe Skocisë. Veprimet e Charles gjatë mbretërimit të tij tërbuan Parlamentin, ndezën Luftën Civile Angleze dhe përfunduan në ekzekutimin e tij në 1649.
Mbreti Charles II ishte mbreti i Britanisë së Madhe dhe Irlandës nga viti 1660 deri sa vdiq në 1685.
2) I lindur më 14 nëntor 1948, Charles, përpara se të shpallej si Mbret, ishte trashëgimtari më jetëgjatë i fronit. Ai është gjithashtu personi më i vjetër që ka fituar kurorën.
3) Dikur ai ndërtoi një qytet! Poundbury është emri i qytetit, i cili ndodhet në Dorchester, Angli.
Charles donte që qyteti të ishte një përzierje e arkitekturës tradicionale dhe planifikimit urban modern, sepse ai ka një histori të gjatë në planifikimin dhe zhvillimin urban.
4) Në vitin 1996, ai ishte trashëgimtari i parë i fronit që iu dha e drejta për një divorc. Charles ishte i martuar me Lady Diana Spencer. Një vit më vonë, Princesha Diana vdiq në një aksident automobilistik në Paris.
Si rezultat, Princi Charles u përjashtua nga kufizimet e rimartesës së Kishës së Anglisë, edhe pse Camilla Parker Boëles dhe Princi Charles u martuan ligjërisht në 2005 pasi ligji ishte vendosur tashmë në 2002.
5) Ai është gjithashtu një piktor i arrirë. Në fakt, ai është ndër piktorët që ka shitur më shumë vepra në Mbretërinë e Bashkuar!
Revista People raporton se Mbreti Charles kryesisht krijon peizazhe me bojëra uji dhe që nga viti 1997, shitjet e veprave të tij artistike kanë sjellë afro 3 milionë dollarë.
6) Mbretit Charles i pëlqen bujqësia dhe kopshtaria! Ai madje pranoi se komunikon me bimët në fermën e tij, sipas People Magazine.
Ai gjithashtu e do mjedisin aq shumë sa ka një kompani ‘Duchy Originals’, e cila shpërndan ushqime dhe mallra të prodhuara në mënyrë etike dhe është një avokat i bujqësisë organike.
Madje modifikoi makinën e vjetër Aston Martin në mënyrë që të mund të funksiononte me karburant bioetanol, të bërë nga vera e tepërt angleze.
7) Ndryshe nga Mbretëresha Elizabeth II ose ndonjë trashëgimtar tjetër i fronit para tij, ai nuk ishte i shkolluar në shtëpi. Në fakt, ai ishte trashëgimtari i parë i fronit që mori një diplomë universitare. Ai ndoqi Universitetin e Kembrixhit në vitin 1967.
8) Ndërsa jepte një intervistë me gazetarin britanik Jonathan Dimbleby, Charles pranoi se kishte kryer tradhti bashkëshortore gjatë martesës me Princeshën Diana.
©LAPSI.AL
