Nënkolonel Christopher Maycocl është atasheu i ri ushtarak i Mbretërisë së Bashkuar në vendin tonë.
Lajmi u bë i ditur nga ministrja e Mbrojtjes, Olta Xhaçka, e cila priti në një takim nënkolonel Edward Melotte, që përfundoi misionin e tij 3-vjeçar.
“Nënkolonel Edward Melotte përfundoi misionin e tij 3-vjeçar si atasheu ushtarak i Mbretërisë së Bashkuar në vendin tonë. Prej sot në këtë detyrë është nënkolonel Christopher Maycock, i cili jam e sigurt që do kontribuojë më së miri në forcimin e marrëdhënieve me një prej aleatëve tanë më të mirë. Mbretëria e Bashkuar ka mbështetur e vazhdon të mbështesë trajnimin dhe kualifikimin e dhjetëra efektivëve shqiptarë në akademitë e saj më të mira ushtarake”, – theksoi Xhaçka.
Ministrja Xhaçka u shpreh se “përfaqësues të Forcës së Armatosur britanike kanë qenë pjesë e stërvitjeve të mëdha të organizuara në vendin tonë me pjesëmarrjen e aleatëve”.
