Financieri britanik Sir Evelyn de Rothschild ka vdekur në moshën 91 vjeçare, njoftonte sot familja e tij.
Bankieri Evelyn ka qenë këshilltar financiar i mbretëreshës së Anglisë dhe rrjedhimisht është dekoruar prej saj me titullin e kalorësisë “Sir”. Ai ishte bir i Anthony de Rothschild e Yvonne Cahen d’Anvers të dy nga familja e vjetër e bankierëve Bischoffsheim.
Financieri kishte lindur në Londër në 1931 dhe iu dedikua bankës së familjes që kur u tërhoq babai i tij në 1961.
Sir Evelyn ka drejtuar bankën angleze NM Rothschild and Sons nga viti 1976 deri në 2003.
Ai ka qenë gjithashtu drejtor i gazetës ‘The Economist’ nga viti 1972 deri në 1989.
Sir Evelyn u dekorua nga mbretëresha angleze për shërbimet në bankë e financa në vitin 1989.
Ai ishte nje rrites i njohur kuajsh dhe ka fituar disa kompeticione ne Britani.
Ai lë pas gruan Lynn tre fëmijë Jessica, Anthony, e David, dhe dy thjeshtër, Benjamin Forester Stein e John Forester Stein.
