Pasi u mposht nga Juventusi vetëm 3 ditë më parë, Interi është rikthyer te fitorja në Serie A, duke triumfuar 6-1 në San Siro ndaj Bologna-s.
Zikaltrit u ndëshkuan në minutën e 22-të nga Lykogiannis, por avantazhi i miqve zgjati vetëm 4 minuta, pasi më tej gjithçka foli për skuadrën e Inzaghi-t. Dzeko, Dimarco e Martinez realizuan 3 gola që në pjesën e parë. Ndërkohë, në pjesën e dytë realizuan edhe Calhanoglu, Gosens e sërish Dimarco. Minuta në fund pati edhe për Asllanin, i cili arriti të godiste edhe shtyllën, duke mos arritur të realizojë golin e parë në Serie A me bluzën e Interit.
Në ndeshjet e tjera të së mërkurës, Fiorentina mposhti 2-1 Salernitanën, Torino fitoi 2-0 me Sampdorian. Më herët, Roma u ndal në barazim 1-1 nga Sassuolo, ndërsa Lecce bëri surprizën duke fituar 2-1 me Atalanta-n.
