Konferenca e anëtarësimit për Shqipërinë dhe Maqedoninë e Veriut do të zhvillohet brenda 6 muajve të parë të vitit të ardhshëm. Kështu thuhet në një dokument që iu është shpërndarë 28 vendeve anëtarë të BE. Në draft konkluzionet e Këshillit të Ministrave të Jashtëm që do të mblidhen të martën për këtë çështje përfshihen edhe kushtet e Bundestagut për hapjen e negociatave.
“Para konferencës së parë ndërqeveritare, e cila duhet të zhvillohet jo më vonë se në gjysma e parë e vitit 2020, në varësi të progresit të bërë, Shqipëria duhet të sigurojë funksionimin e Gjykata Kushtetuese dhe Gjykatës së Lartë, dhe të përparojnë më tej në reformën zgjedhore në përputhje me rekomandimet e OSBE / ODIHR”, thuhet në draftin paraprak të Këshillit të Evropës.
Në dokument përfshihen edhe kushtet që duhet të realizohen përpara se të hapen kapitujt e parë.
-Nisjen e hetimeve ndaj gjyqtarëve dhe prokurorëve të dyshuar për sjellje kriminale si rezultat i gjetjeve nga procesi i vetting-ut.
-Hetim rasteve dhe akuzave për krim elektoral.
-Ngritja dhe funksionimi i SPAK.
-Rezultate konkrete në luftën kundër korrupsionit dhe krimit të organizuar, përfshirë zyrtarët e nivelit të lartë.
-Të miratojë reformën zgjedhore në përputhje me rekomandimet e OSBE / ODIHR.
-Të zbatohet vendimi i Gjykatës Kushtetuese për zgjedhjet lokale të 30 qershorit 2019
Këshilli inkurajon të gjithë aktorët politik të angazhohen në axhendën e reformës në BE për të dialoguar dhe për të kapërcyer polarizimin politik./Ora News/
