Ambasadori i Britanisë në Kosovës, Nicholas Abbott, ka thënë se rezultat pozitiv mund të arrihet nga bisedimet në Ohër për normalizimin e marrëdhënieve Kosovë-Serbi.
Ai ka thënë se nga dakordimi atje përfitojnë të gjithë qytetarët, dhe ka deklaruar se Britania është e gatshme të ndihmojë në zbatim, referuar marrëveshjes dypalëshe.
“Një rezultat pozitiv nga bisedimet e Ohrit për normalizimin e marrëdhënieve Kosovë-Serbi mund të ndodhë me vullnet politik, guxim dhe pragmatizëm. Do të përfitojnë të gjithë qytetarët dhe komunitetet. Britania mbështet ndërmjetësuesit e BE-së dhe është e gatshme të ndihmojë në zbatim”, ka shkruar në Tëitter Abbott.
Në Ohër kanë nisur takimet ndaras para atij trepalësh. Kryeministri Albin Kurti ka takuar emisarin special të SHBA-së, Gabriel Escobar, dhe krerët e shtetit të Maqedonisë së Veriut.
