Një nga vullkanet më aktive të Rusisë ka shpërthyer duke mbuluar fshatra të tërë nga hiri.
Vullkani Shiveluç shpërtheu pak pas mesnate dhe arriti kulmin rreth gjashtë orë më vonë.
Sipas Akademisë Ruse të Studimeve Gjeofizike, hiri vullkanik mbuloi një sipërfaqe prej 108 mijë kilometrash katrorë. Në gadishullin Kamçatka, rreth 6.800 kilometra në lindje të Moskës, banorët u urdhëruan të qëndrojnë brenda.
“Shkollat dhe kopshti janë mbyllur dhe fëmijët sot janë në shtëpi. Njerëzit u këshilluan të qëndrojnë në shtëpi, të mbyllin dritaret, në mënyrë që grimcat e vogla të pluhurit të mos futen brenda.”
Autoritetet ruse kanë lëshuar një paralajmërim për trafikun ajror, duke vënë në dukje se shpërthimet e hirit mund të ndodhin në çdo moment.
Vullkani Shiveluç ka pasur rreth 60 shpërthime të konsiderueshme në 10,000 vitet e fundit, i fundit më i madhi ishte në 2007.
