Dy persona janë vënë në pranga nga SPAK, të akuzuar se merrnin ryshfet për një vend pune në Drejtorinë e Përgjithshme të Burgjeve. Nëpërmjet një njoftimi, SPAK bën me dije se janë arrestuar personat me inicialet K.Gj dhe A.B, të cilët, në bashkëpunim me njëri-tjetrin, akuzohen se kanë marrë para me qëllim për të ushtruar ndikim të paligjshëm në Drejtorinë e Përgjithshme të Burgjeve.
Shumat monetare janë kërkuar dhe janë marrë me qëllim për të bërë të mundur punësimin e një peroni në strukturat në varësi të Drejtorisë së Përgjithshme të Burgjeve.
Ata akuzohen për veprën penale “Ushtrimi i ndikimit të paligjshëm te personat që ushtrojnë funksione publike”, e kryer në bashkëpunim
Hetimet paraprake janë në vazhdim e sipër dhe ende nuk kanë përfunduar.
