opinion nga Enton Abilekaj
Drejtësia zgjedh çështje të vogla, me dëme minimale, që e minimizojnë idenë e korrupsionit të qeverisë, pikërisht duke bërë sikur po e lufton atë.
As arrestimet e fundit nuk e kane rritur besimin tek Drejtesia e re. Për statistikat e Drejtësisë, Sekretarja e Përgjithshme e Ministrisë së Shëndetësisë dhe ish-anëtari i kryesisë së PS që ka qenë për 12 vjet kryetar bashkie në Durrës, janë goditje të mëdha kundër korrupsionit, por për ata që presin Drejtësi për milionat e korrupsionit, janë vetëm truke për të bindur publikun.
Duket si truk kur Drejtësia niset nga ideja e bujës që do bënte arrrestimi i një ish- zyrtari apo zyrtari. Aq më keq duket si truk kur vepra penale për të cilën akuzohet, ka ndodhur 12 vjet më parë dhe mund të jetë parashkruar.
kishim hetim për 3 milionë euro korrupsion, por për pothuajse 100 milionë, që nuk dihet ku kanë shkuar.
Kur SPAK rri larg çështjeve të nxehta dhe emrave të mëdhenj me pushtet aktual, askush nuk bindet se arrestimi i Vangjush Dakos është vënie e Drejtësisë, aq më tepër kur akuza që komunikohet, është shumë e papërfillshme përballë shqetësimit publik.
Një drejtësi që njofton Kryeministrin në rastin më të mirë, apo gjithë mediat dhe pastaj detyron të akuzuarin të interesohet vetë nëse duhet të shkojë në paraburgim, është duke bërë pazar me Pushtetin politik dhe mediatik, për të mos u përballur më asnjërën.
Këto arrestime vlejnë më shumë për të mbushur fletët e raportimit për Komisionin Europian dhe Departamentin e Shtetit, që në raportin e ardhshëm të ketë ndonjë fjalë të mirë për Drejtësinë. Për vendin do të kishin vlerë vetëm nëse ndonjë zyrtar i lartë me pushtet real do të trembej pas kësaj, ndonjë biznesmen i emëëruar që merr fondet e buxhetit të shtetit, sikur i ka ën arkën e tij, do të distancohej nga tenderat apo nëse Kryeministri do të ishte, në mos i hetuar, i painformuar për hetimet e njerëzve përreth.
