Këtë fillim vere fruti i qershisë mund të cilësohet pa frikë si frut luksi. Dhe kjo nisur nga çmimi i lartë me të cilin ky frut po shitet në tregjet me pakicë. 300 deri në 400 lekë shitet qershia në Tiranë.
Ndërsa në qytetet e tjera ky çmim zbret deri në 200-250 lekë për kilogram. Një çmim mjaft i lartë krahasuar me çmimin që është shitur vitet e kaluara. A2 ka shkuar tek fermerët në juglindje të vendit që kultivojnë qershinë dhe ato japin arsyet e këtij çmimi kaq të lartë këtë vit.
E njëjta situatë është edhe në zonën e Gracenit në Elbasan, e njohur për kultivimin e qershive. E ndërsa fermerët nuk kanë fituar thuajse asgjë nga çmimi i lartë pasi kanë më pak se 50 për qind të prodhimit, ata që dëmtohen janë qytetarët dhe veçanërisht shtresat në nevojë ekonomike, të cilat nuk po guxojnë ende të provojnë qershitë këtë vit.
