Tre persona kanë vdekur dhe një burrë është arrestuar pas një sërë sulmesh në Nottingham.
Policia deklaroi një “incident të rëndë” pasi u thirr në shumë lokacione dhe rrethoi disa rrugë në qytet.
Dy persona u gjetën të vdekur në rrugë në Ilkeston Road pak pas orës 4 të mëngjesit të së martës.
Më pas oficerët u thirrën në Milton Street pak më shumë se një milje larg, ku një shofer furgoni kishte tentuar të përmbyste tre persona në atë që policia beson se është një incident i lidhur. Të plagosurit aktualisht po trajtohen në spital.
Një burrë i tretë u gjet i vdekur në rrugën Magdala aty pranë.
Oficerët dhe shërbimet e tjera të urgjencës mbeten në disa lokacione në të gjithë qytetin.
Policia ka arrestuar një 31-vjeçar si i dyshuar për vrasjet.
Pamjet duket se tregojnë një të dyshuar në tokë pranë një furgoni të bardhë ndërsa tre oficerë kryejnë arrestimin në Bentinck Road në Nottingham.
