Shqipëria në syrin e “The Times” është një vend që dhuron turizëm përmes aventurës, përvoja unike të rafting në ujërat e Vjosës, e male madhështore që rrethojnë luginat.
Në artikullin e “The Times”, Shqipëria cilësohet si një destinacion mjaft i preferuar për turistët e huaj me një rivierë fantstike për t’u shijuar nga të gjithë vizitorët.
“Lumenjtë e Shqipërisë mbeten xhevahiri i saj kurorë. Kur bëhet fjalë për ndjenjën e duhur të madhështisë, Vjosa është në një ligë më vete, teksa muskulon rrugën e saj poshtë maleve me borë dhe mbush gjysmën e luginës së saj me drurë dhe rrënoja.
Lumi më i mrekullueshëm që pamë ishte Osumi, i cili është konsumuar i pastër përmes një shtrirjeje gëlqerore për të krijuar 16 milje kanione të ngushta me anë të tejdukshme. Herë pas here, nën ujëvarat e tyre të rrëzuara dhe dredhkat pasuese, këto kanione duken si animacione kompjuterike, të destinuara për pjesën tjetër të filmave Avatar”, thuhet në artikull.
Përshkrimi i bukurive të Shqipërisë nga prestigjiozja “The Times” është shpërndarë edhe nga Kryeministri Edi Rama.
““The Times” zbulon Shqipërinë përmes turizmit të aventurës, të përvojave unike të rafting në ujërat e Vjosës, Parkut të Parë Kombëtar të një lumi të egër në Europë, madhështisë së maleve që rrethojnë luginën, shijes së mirë që vjen nga bujtinat, guidave fantastike dhe udhërrëfyesve turistikë”, shkruan Rama në rrjetin social Facebook.
