Presioni për të qenë gjithmonë perfekt, prek mbi të gjitha gratë për më tepër ato të televizionit, të vendosura vazhdimisht në qendër të vëmendjes dhe të shtyra për t’u dukur gjithnjë e më të reja me kalimin e viteve.
Me flokë të valëzuar, vetulla të harkuara dhe një buzëkuq të kuq këto ishin të vetmet mjete që kishin në dispozicion dikur aktoret më në zë të Shqipërisë.
Bukuri natyrale, plotë shkëlqim dhe freski shumë nga këto aktore ishin emblema e femrave më të bukura dhe të dëshiruara të asaj kohe por ndoshta edhe sot me pamjen e tyre prej zonjave të vërteta.
Margarita Xhepa- Një nga “Zonjat e Mëdha” të teatrit dhe filmit shqiptar që ka skalitur memorien e publikut shqiptar me role brilante që prej fillimit të saj.
Tinka Kurti- Është një nga aktoret më të njohura shqiptare. Puna e saj përfshin më shumë se 50 filma artistikë dhe 150 shfaqje teatrore. Ajo është vlerësuar me medaljen “Artistja e Popullit” së Shqipërisë.
Antoneta Papapavli- Ka interpretuar mbi 50 role në teatër, ka mbi 20 vjet karrierë artistike si dhe në 16 role në filmin artistik shqiptar. Antoneta Papapavli mund të konsiderohet për nga bukuria si një ndër femrat më të bukura për kohën.
Roza Anagnosti- Është aktore e shquar e Teatrit Kombëtar dhe kinematografisë. Roza Anagnosti nuk do te kishte aspak zili koleget e saj nga vende te huaja. Mollëza të theksuara, fytyrë të mprehtë dhe një buzëqeshje rrezëllitëse ajo ishte ndër aktoret më të dashura për publikun.
Pavlina Mani- Aktore e suksesshme, e cila njihet për realizimin e shumë roleve të spikatur. Elegante, me flokë të valëzuar, fytyrë të mprehtë, mollëza, Pavlina Mani ishte ndër aktroret më të bukura.
Raimonda Bulku- Aktore e njohur e skenës dhe ekranit është nderuar me disa çmime. Rajmonda Bulkut përveç talentit nuk i mungonte edhe bukuria natyrale ku spikatin sytë ngjyrë blu.
Elvira Diamanti- Roli i saj më i spikatur mbetet ai i Marigosë në filmin “Përrallë nga e kaluara”. E qeshur dhe shume elegante. Elvira Diamanti ishte ndër aktoret më të preferuara të shqiptarëve për pamjen e saj. Me flokë të zeza dhe të gjatë, lëkurë te lëmuar, një bukuri e thjeshtë dhe natyrale.
Luiza Xhuvani- Aktore e njohur e skenës dhe ekranit është nderuar me disa çmime. Spikatej për natyrën e saj të qetë por edhe për bukurinë. Me tipare mesdhetare, flokë dhe sy kafe Luiza Xhuvani ishte ndër aktoret më të bukura dhe shumë të dashura për publikun.
