Elton John do të luajë shfaqjen e tij të fundit në Mbretërinë e Bashkuar në Pyramid Stage në Glastonbury. Sir Elton John është një nga artistët më të famshëm në botë i cili ka interpretuar rreth 32 albume dhe më shumë se 300 milion kopje në shitje rekord.
Koncerti i tij i fundit do të jetë në skenën e Pyramid Stage në Glastonbury për ti dhënë “Lamtumirën” muzikës. Në një intervistë, Sir Elton John ka thënë se koncerti i tij në Glastonbury “nuk mund të ishte një fund më i përsosur”.
Elton John përveç muzikës, u bë po aq i famshëm edhe për mënyrën e shfaqjes së tij në publik. Ai ishte gjithmonë i veshur me kostume të shkëlqyeshme dhe të ekzagjeruara.
Elton John vazhdoi të krijonte muzikë e këngë të reja deri në vitet e fundit të karrierës së tij të gjatë e të bujshme. Në vitin 2006 ai lansoi “The Captain & Kid” ndërsa në vitin 2010 ai u bashkua me Leon Russell, teksa realizuan një turne të përbashkët.
Në vitin 2013, John publikoi albumin e 30-të në karrierë “The Diving Board”. Në janar të vitit 2020, John dhe Taupin fituan ne kategorinë “Kënga më e mirë origjinale” në Golden Globe Awards, për këngën e tyre “Love Me Again” e cila ishte kolonë zanore e filmit “Rocketman”.
Është e vështirë të imagjinohet se si ylli që ka argëtuar botën për më shumë se 50 vjet do të largohet plotësisht nga muzika.
