Një Tesla Model 3 i mbijetoi një stuhie në Holandë javën e kaluar.
Kjo sipas disa imazheve të ndara nga përdoruesi Ali Lakrakbi kur ky model kishte mbetur i paprekur nga rënia e një peme masive mbi automjet, duke habitur të gjithë, transmeton Telegrafi.
Kemi parë edhe raste të tjera kur makinat mund të jenë dëmtuar nga rënia e pemëve për shkak të stuhive të forta, por ky incident duket si një rast i rrallë, pasi automjeti ishte plotësisht i paprekur, nga ajo çfarë shihet në disa imazhe dhe video.
Aplikacioni Tesla e njoftoi pronarin për incidentin me një alarm, kur gjeti se një pemë e tërë kishte rënë mbi makinën e tij. Fatmirësisht, ai nuk kishte qenë brenda automjetit dhe duket se askush nuk u lëndua.
