Një tjetër i dënuar me burgim të përjetshëm do t’u shtohet burgjeve shqiptare. Gjykata e Elbasanit dënoi të mërkurën me burgim të përjetshëm Ramiz Micin. 37 vjeçari u deklarua fajtor për veprën penale “vrasje për shkak të rrethanave familjare”.
Ngjarja e rëndë ndodhi në Elbasan në korrik të vitit 2022 ku pas një zënke xhelozie Ramiz Mici vrau me thikë Etlira Elezin, nënë e dy fëmijëve.
Të dy të divorcuar dhe prindër nga martesat e mëparshme, çifti kishte vendosur të bashkëjetonte në një banesë me qira në lagjen “Skëndërbej” në Elbasan ku edhe ndodhi ngjarja tragjike.
Edhe Prokuroria e Elbasanit kërkoi burgim të përjetshëm për autorin e ngjarjes.
