Komandot shqiptarë janë duke u përgatitur për një stërvitje të madhe që do të zhvillohet së shpejti në Britaninë e Madhe. Ministria e Mbrojtjes tha se “përgatitja për stërvitjen Cambrian Patrol vazhdon me intensitet. Duke u përqëndruar në zhvillimin e aftësive të tyre, efektivët e Forcës Tokësore përmbyllën me sukses kalimin e pengesave ujore, duke demonstruar sktësi dhe aftësi të larta. Të sigurtë, që me profesionalizmin e tyre ata do të japin më të mirën në stërvitjen e madhe “Cambrian Patrol” në Mbretërinë e Bashkuar duke u bërë shembulli më i mirë i suksesit dhe përkushtimit”.
“Cambrian Patrol” konsiderohet gara më e vështirë dhe më sfiduese e patrullimit në botë dhe vitin e kaluar mblodhi 107 ekipe nga 25 shtete në malet e Uellsit për të provuar vendosmërinë e tyre fizike dhe mendore.
