Virgin Galactic, kompania e turizmit hapësinor e themeluar nga miliarderi britanik Richard Branson, nisi misionin e dytë komercial në hapësirë.
Ajo transportoi astronautë në bordin e aeroplanit VSS Unity SpaceShipTwo.
Pasagjerët ishin ish-olimpisti dhe aventurieri britanik Jon Goodwin, 80 vjeç, i cili vuan nga sëmundja e Parkinsonit dhe dy astronaute nënë-bijë nga Karaibet.
Pas kthimit në Tokë, Goodwin e përshkroi fluturimin si “një përvojë krejtësisht surreale” dhe ” ditën më emocionuese të jetës së tij”.
Anija kozmike u ngrit 88,5 kilometra mbi sipërfaqen e tokës, ku pasagjerët përjetuan momente ku forca gravitacionale ishte zero, përpara se të ktheheshin në portin hapësinor.
Ky është udhëtimi i shtatë i Virgin Galactic në hapësirë që nga viti 2018, por i pari që çoi turistët me pagesë në hapësirë.
Kompania e turizmit hapësinor, do të ofrojë udhëtime për klientët, duke u bashkuar me Blue Origin të Jeff Bezos dhe SpaceX të Elon Musk.
Virgin Galactic ka shitur rreth 800 bileta, 600 prej të cilave e kalojnë vlerën e 450 mijë dollarëve, ndërsa pjesa tjetër është shitur për 250 mijë dollarë.
