Udhëheqësi i Kinës Xi Jinping u tha udhëheqësve afrikanë në një takim në margjinat e samitit të BRICS të enjten se Kina do të nisë nisma për të mbështetur industrializimin e Afrikës dhe modernizimin e bujqësisë.
“Kina do të shfrytëzojë më mirë burimet e saj për bashkëpunim me Afrikën dhe iniciativat e bizneseve për të mbështetur Afrikën në rritjen e sektorit të saj të prodhimit dhe realizimin e industrializimit dhe diversifikimit ekonomik,” tha Xi pa dhënë detaje.
Premtimi i Xi u bë në përfundim të Samitit të BRICS, gjatë një takimi me liderë dhe ministra nga Bashkimi Afrikan dhe 11 vende afrikane, duke përfshirë Libinë, Nigerinë, Senegalin dhe Zambinë.
Anëtarët e BRICS – Brazili, Rusia, India, Kina dhe Afrika e Jugut – të enjten ranë dakord të pranojnë gjashtë vende të reja, përfshirë Egjiptin dhe Etiopinë.
Diplomati kryesor i Kinës në Afrikë, Wu Peng, tha këtë javë se vendet afrikane dëshironin që Kina të zhvendoste fokusin e saj nga ndërtimi i infrastrukturës në kontinent në industrializimin lokal.
