Deputeti shqiptar në Parlamentin e Serbisë, Shaip Kamberi, i është kundërpërgjigjur deklaratave të kryeministres së Serbisë, Ana Brnabiç, e cila sipas tij në forumin Bled të Sllovenisë ka deklaruar se shqiptarët në Luginë të Preshevës kanë të drejta dhe se ata askush nuk i vret.
Kamberi në posimin e tij në Facebook, ka cituar një fjali të Brnabiç, “Mos kërkoni të drejta, mjafton që nuk po ju vrasim”, ku shprehet se faktet flasin diçka tjetër. Gjithashtu deputeti shqiptar thekson se Serbia po tenton të të ndërtojë standarde që nuk ekzisojnë në asnjë shtet tjetër.
“Sipas Brnabiç, shqipatrët në Luginë të Preshevës, “paskan të drejta” sepse askush si “vret”, ndërsa Serbët në Kosovë jo, është vazhdimësi e politikës zyrtare të standardeve të dyfishta të Serbisë për trajtimin e pakicave, dhe mohimit të të drejtave elementare të pakicave brenda territorit të vet, ndërkohë që për pakicën e vet në Kosovë, tenton të ndërtojë standarde që nuk ekzisojnë në asnjë shtet tjetër. Brnabiç paska thënë se “shqiptarët në Luginë të Preshevës nuk i qëllon askush”. Faktet flasin diçka tjetër,”– shkruan Kamberi.
