Raportuesja për Kosovën në Parlamentin Evropian, Viola von Cramon deklaroi se procesi i liberalizimit të vizave për qytetarët kosovarë nuk duhet të lidhet me dialogun me Serbinë.
Përmes një postimi në rrjetet sociale, von Cramon u shpreh se liberalizimi i vizave për Kosovën është i vonuar.
Sipas saj, BE duhet ta mbajë premtimin për liberalizimin e vizave në shtator të vitit 2024.
“Qytetarët e Kosovës e meritojnë liberalizimin e vizave, që është i vonuar. Ne duam të jemi të qartë – udhëtimi pa viza nuk është dhe nuk duhet të lidhet me Dialogun me Serbinë.
BE duhet të mbajë premtimin e saj duke lejuar qytetarët e Kosovës të udhëtojnë lirshëm që nga 1 janari 2024”, shkroi Von Cramon në platformën X.
