Një aksident tragjik i ka marrë jetën një 79- vjeçari në Korçë. Ai po ecte me biçikletë kur është goditur nga një makinë që drejtohej nga shtetësja O. M., e moshës 28- vjeç, e cila është ndaluar nga policia. Pas goditjes, i moshuari ka ndërruar jetë në spitalin e Korçës.
“Në vijim të informacionit paraprak të dhënë pasditen e sotme, për një aksident rrugor ju informojmë se specialistët e Trafikut Urban dhe Interurban të DVP Korçë, arrestuan në flagrancë shtetasen O. M., 28 vjeçe, banuese në Korçë, pasi në bulevard “Republika”, Korçë, duke drejtuar automjetin tip “Benz”, ka aksidentuar biçiklistin M. A., 79 vjeç, banues në Korçë, i cili ndërroi jetë në spitalin e Korçës.”, thuhet në njoftimin e policisë.
Nga ana e Policisë po kryhen veprimet hetimore dhe po punohet për përcaktimin e shkaqeve të aksidentit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
