Nga Laurence Peter lajmet BBC
Ankthi për rreth 200 njerëz të rrëmbyer nga Hamasi në sulmin brutal ndaj Izraelit është në qendër të vëmendjes – por Hamasi ka mbajtur të paktën dy izraelitë për vite me rradhë.
Shumë pak është dëgjuar për Avera Mengistu etiopio-izraelite dhe izraelitin arab beduin Hisham al-Sayed, të sekuestruara përkatësisht në vitin 2014 dhe 2015.
Familjarët e dy ushtarëve të vdekur izraelitë janë të torturuar gjithashtu nga fakti se Hamasi i mban eshtrat e tyre në Gaza që nga viti 2014. Hadar Goldin dhe Oron Shaul u vranë gjatë një lufte midis Izraelit dhe Hamasit atë vit.
Hamasi – i mbështetur nga Irani dhe i konsideruar nga vendet perëndimore si një grup terrorist – ka kërkuar më parë një çmim të lartë për lirimin e izraelitëve të robëruar. Ato përdoren si pazare të Hamasit.
Aviram Shaul, vëllai i Oron, thotë se për gati 10 vjet familja e tij nuk ka pasur asnjë lajm nga Hamasi se ku po e mban trupin e Oronit, asnjë shenjë se Oroni do të kthehet.
Në vitin 2014, ushtria gjeti helmetën dhe jelek antiplumb të Oronit në një tunel të Hamasit në Gaza. Por që atëherë, Aviram i tha BBC-së, “Unë ndjej se izraelitët i harruan ata [dy ushtarët e vdekur]”.
“Tani është një shans i mirë për të rikthyer vëllanë tim, sepse po flasim për 200 familje me të afërm të mbajtur peng në Gaza. Qeveria nuk bëri aq sa duhet për të rikthyer vëllanë tim, por tani ata duhet të bëjnë një përpjekje të madhe.”
Ai tha se tani “Izraeli duhet të bëjë një marrëveshje humanitare për të nxjerrë pengjet jashtë”. “Nëse Hamasi dëshiron energji elektrike, ujë, ata duhet të na japin pengjet dhe trupat e ushtarëve dhe Izraeli nuk bën asgjë nëse ata nuk duan.”
Pas negociatave sekrete në vitin 2011, Izraeli mori përsëri ushtarin e rrëmbyer Gilad Shalit – por në këmbim të 1027 të burgosurve palestinezë të mbajtur në burgjet e tij.
Izraeli tani është i vendosur të zhdukë Hamasin dhe po i shkakton Gazës viktima dhe dëme të mëdha me sulme ajrore. Pra, çdo shkëmbim i ri i të burgosurve do të ishte i vështirë dhe i diskutueshëm. Ndërsa numri i të vdekurve në Gaza rritet, zemërimi palestinez ndaj Izraelit intensifikohet.
