Presidenti turk, Rexhep Taip Erdogan u takua në vizitën që zhvilloi në Gjermani nga homologu Frank Vlater Shtenmajer dhe kancelari gjerman Olaf Scholz.
Dallimet mes tyre ishin të dukshme pasi asnjë buzëqeshje nuk u pa nga asnjëri prej shtetarëve. Gjatë konferencës së përbashkët me Scholz, Erdogan u fokusua kryesisht tek situata kastastrofike në Gaza.
“Shtëpia e Zotit, shtëpitë e lutjes po bombardohen, kishat po bombardohen dhe gjithashtu spitalet. Edhe pse bombardimet e spitaleve, vrasja e fëmijëve nuk ekziston në Thora. Pse po vriten këta fëmijë? Pse po vriten njerëzit në spitale? Dhe a do të heshtim për këtë? Është një problem që kërkon zgjidhje dhe pyetja është sesi mund të kontribuojë Turqia dhe Gjermani së bashku”, tha presidenti turk.
Ndërsa kancelari gjerman tha se ka shumë gjëra për të cilat ata nuk bien dakord, por shtoi se po punojnë për të siguruar një bashkëjetesë paqësore të Izraelit dhe Palestinezëve.
“Sipas ligjit ndërkombëtar Izraeli ka të drejtë të mbrohet. Në të njëjtën kohë ne themi se çdo jetë vlen po aq, po ashtu vuajtjet e civilëve palestinezë po na shqetësojnë. Një zgjidhje me dy shtete mbetet objektivi i deklaruar për ne”, tha kancelari gjerman.
Scholz priti presidentin turk në një kohë kritike të marrëdhënieve gjermano-turke, pasi Erdogan së fundmi e ka quajtur Izraelin një shtet terrorist.
Megjithatë, pavarësisht pikëpamjeve të ndryshme për çështje të rëndësishme, të dyja vendet kanë nevojë për njëri-tjetrin.
Ndërsa Gjermania dhe BE shpresojnë për një vazhdimësi të traktatit të refugjatëve me Turqinë nga viti 2016, Anakaraja i kërkon Gjermanisë të miratojë dërgesat e 40 avionëve Eurofigther.
