Shumë prej banorëve që kanë marrë pjesë në shtëpinë e “Big Brother”, kanë krijuar një lidhje aty brenda dhe madje disa prej tyre kanë kurorëzuar dashurinë duke sjellë në jetë fëmijë.
Çifti i parë që ka kurorëzuar dashurinë e tyre janë Neda dhe Ogren. Ata kanë marrë pjesë në “Big Brother 4” dhe janë martuar në verën e vitit 2015-të. Ata të dy janë prindër të tre fëmijëve, vajzës Suzie Ann dhe dy djemve Serzh dhe Zai.
Matilda dhe Fationi kanë qenë pjesë e “Big Brother 7”, kur ata janë bërë pjesë e shtëpisë kanë qenë në një lidhje por këtë gjë duhet ta mbanin të fshehtë nga banorët e tjerë. Ata të dy sot janë prindër të dy vajzave.
Einxhel dhe Arbër janë njohur me njëri-tjetrin në “Big Brother Vip 1”, ndjenjën e tyre të dashurisë e triumfuan me djalin e tyre Trev.
Së fundmi, Luizi dhe Kiara kanë konfirmuar shtatzëninë. Ata do të bëhen prindër të një vajze dhe janë një prej çifteve më të komentuar në rrjet.
