Zëvendëskryeministri i vendit Bujar Osmani nga Londra tha se dita e sotme është një ditë historike, është një ditë ku gjenerata të tëra politike e kanë pritur këtë ditë.
Ai theksoi se këtë ditë e bën të veçantë vendi në një tavolinë si pjesëtar i barabartë me fuqitë e tjera botërore.
“Dita e sotme është realizimi i shumë gjeneratave të politikanëve, është realizimi i ëndrrës tonë të rilindjes kombëtare dhe dielli për ne lind në perëndim. Është një pikë që ne i vendosim paqes dhe sigurisë në vend dhe në rajon. Jemi të ulur të barabartë me të gjitha shtetet më të fuqishme në botë. Kjo na fuqizon ne si popull si vend, por edhe në kontekstin ekonomik”, ka thënë Osmani për Alsat.
