Japonezi Nakamura dëshiron ta marrë nënshtetësinë kosovare

Trajneri i famshëm i xhudos, Driton Kuka, ka lajmëruar se një xhudist japonez, Nakamura, dëshiron t’i bashkohet ekipit të Kosovës për ciklin 2020-24, duke e marrë nënshtetësinë e Kosovës.

Xhudistët kosovarë kanë qenë duke grumbulluar pikë në garat e Federatës Botërore të Xhudos për ta fituar një vend në Lojërat Olimpike që do të mbahen verën e ardhshme në Tokio, raporton Gazeta Express.

Pjesë e këtij ekipi të Kosovës në Tokio 2020 shpreson ët jetë edhe japonezi Nakamura, i cili javën e ardhshme do të aplikojë për nënshtetësinë kosovare.

“Poashtu ekipit ju ka bashkangjit Jappnezi Nakamura që tashmë javën tjetër do aplikoj për shtetësinë e Kosovës dhe do jetë gati për ciklin 2020-2024”, ka bërë të ditur Kuka përmes llogarisë së tij në Facebook.

Ja postimi i plotë i Driton Kukës:

“Kampi stërvitor – Slloveni!
Fundi i vitit po afron,si kurrë më parë xhudo ka arritur hiç më pak se 6 medalje Elitare në vitin 2019!
Tri medalje në Minsk në Evropiian e tri medalje në Kampionatin Botëror në Tokio
Në foto po mungon Loriana që sivjet ishte befasia më e madhe 👌👌
Poashtu ekipit ju ka bashkangjit Jappnezi Nakamura që tashmë javën tjetër do aplikoj për shtetësinë e Kosoves dhe do jetë gati për ciklin 2020-2024.
Gara e fundit sivjet do jetë Qingdao në Kinë garë që ka peshë për pikët drejt Olimpiadês në Tokio cakun kryesor.
#tokyo2020”