Princi William tha sot se nëna e tij e ndjerë, Princesha Diana, do të ishte e nderuar të shihte një shoqatë bamirësie të krijuar në emër të saj duke bërë punë frymëzuese për të mbështetur të rinjtë në mbarë botën. William tha se trashëgimia e nënës së tij ishte diçka ku ai dhe gruaja e tij Kate, kishin kërkuar të përqëndroheshin përmes punës së tyre.
“Unë e di se ajo do të kishte qenë e nderuar të shihte një bamirësi në emrin e saj duke bërë një punë të tillë frymëzuese për të ngritur të rinjtë nga të gjitha anët e globit. Ajo më mësoi se të gjithë kanë potencialin për të kthyer diçka, se kushdo në nevojë meriton një dorë mbështetëse në jetë”, tha trashëgimtari i fronit në një fjalim në Muzeun e Shkencave të Londrës ku u mbajt ceremonia.
Çmimi Legacy i bamirësisë, i cili njeh të rinjtë për veprimin e tyre social të punës humanitare, u krijua në vitin 2017, me një ceremoni të mbajtur çdo dy vjet. Njëzet persona nga e gjithë bota u nderuan në ceremoninë e së enjtes, duke përfshirë tre nga Britania dhe Shtetet e Bashkuara me marrës të tjerë që vinin nga vende të tilla si India, Pakistani, Emiratet e Bashkuara Arabe dhe Xhamajka.
