Një e moshuar, pamjet e të cilës u bënë virale në rrjetet sociale pasi u ngrit në ajër nga qepeni i një dyqani, është përjetësuar në një mural bashkë me çantën e ushqimeve që ajo nuk e lëshoi nga dora në asnjë sekondë edhe pse ishte në ajër.
Pamjet e kamerave të sigurisë të Anne Hughes, 72 vjeçe, e varur nga palltoja e saj, ndërsa ishte ende e kapur për karrocën e blerjeve, u panë miliona herë në internet.
Dhe tani ajo është rikrijuar në bojë llak në pjesën e përparme të dyqanit Rhondda Cynon Taf ku ndodhi incidenti i pazakontë. Artisti tha se shansi për të pikturuar momentin ishte “shumë i mirë”.
“Kur pashë klipin e Anne, unë qesha me të madhe, ashtu si të gjithë të tjerët që e panë,” tha artisti i grafitit Tee2Sugars, nga Tonyrefail, rreth 11 km nga dyqani në Tonteg ku Anne u ngrit më 4 mars. “Mendova “çfarë historie” “Zot, ajo grua duhet të ketë pallton më të fortë të bërë ndonjëherë”.
33-vjeçari, puna shumëngjyrëshe e të cilit rreth luginave të Uellsit jugor ka dokumentuar gjithçka, shtoi se i “kërkuan mundësinë” për të pikturuar rastin. “Djemtë në dyqanin Best One në Tonteg më kontaktuan dhe më kërkuan ta bëja, dhe unë thashë “po” menjëherë,” tha ai.
