Gazetari belg Marc Roche, i cili është me qendër në Londër dhe i specializuar në çështjet e familjes mbretërore, bëri një zbulim bombë për Kate Middleton. Në veçanti, në një intervistë për Gala ai iu referua formës së kancerit nga e cila vuan Princesha e Uellsit, duke cituar një burim të mirëinformuar.
“Gjithçka tregon se ajo ka një histerektomi dhe kancer të zorrës së trashë. Siç shpjegoi ai, Princesha e Uellsit po i nënshtrohet kimioterapisë parandaluese, e cila mund të bëhet në shtëpi, pa pasur nevojë të shkojë në spital”, tha ai.
I pyetur se kur do të kthehej në detyrat e saj mbretërore, ai tha se skenari më i mundshëm do të ishte në qershor ose korrik dhe ajo do të ishte në garat mbretërore në Ascot. “Duke ditur shqetësimin e saj për t’u dukur gjithmonë sa më mirë, ajo do të kthehet kur të shërohet plotësisht. Një gjë është e sigurt: Nuk duhet të presim një deklaratë të re. Nuk do të ketë asnjë përditësim të mëtejshëm për gjendjen e saj shëndetësore”, thotë Marc Roche, autor i The Borgias në Buckingham.
Kur u pyet se pse princesha zgjodhi ta zbulonte sëmundjen e saj në një video dhe jo në një deklaratë zyrtare, gazetari belg u përgjigj:
Kate Middleton është një fotografe amatore që ka punuar në modë, kështu që pamjet vizuale janë shumë të rëndësishme për të. Ajo është gjithmonë shumë e kujdesshme për pamjen e saj, imazhin e saj, stërvitet vazhdimisht dhe ha shumë pak. Dhe siç thoshte gjithmonë mbretëresha Elizabeth “duhet të të shohin që të të besojnë”. Ajo që më bëri përshtypje të veçantë ishte drejtimi i kësaj videoje. E vetme në një stol kopshti, me xhinse, grim minimal, unaza e princeshës Diana si elementi i vetëm mbretëror. Kate Middleton donte të tregonte se është afër popullit dhe në veçanti t’i bënte thirrje brezit të ri, i cili nuk e mbështet aq shumë monarkinë”.
Më në fund, kur u pyet nëse Shtëpia e Windsor po kalon një krizë të thellë, analisti mbretëror me përvojë përgjigjet:
“Duhet t’i shikojmë ngjarjet historikisht. Nëse i krahasoni zbulimet për sëmundjet e Charles dhe Kate me krizat e mëdha të përjetuara nga Kurora, përkatësisht abdikimi i Edward VIII në 1936, annus horribilis e Mbretëreshës Elizabeth në 1992, me ndarjen e tre nga katër fëmijët e saj dhe zjarrin në Kështjellën Windsor, dhe më pas në vitin 1997 me vdekjen tragjike të Princeshës Diana, situata nuk është aq kritike. Përkundrazi, popullariteti i familjes mbretërore ka arritur një nivel shumë të lartë, identik me vitet e fundit të mbretërimit të Mbretëreshës Elizabeth. Njoftimi i sëmundjeve të Mbretit Charles dhe Kate Middleton shkaktoi një vërshim të madh simpatie për kurorën”.
