Athletic Bilbao u rikthye të fitonte pas 40 vitesh Kupën e Mbretit dhe një event i tillë është festuar siç i ka hije Bilbaos. Mijëra tifozë “pushtuan” rrugët duke bërë që skuadra baske të përjetonte emocione të mëdha.
Jo vetëm në rrugë, pasi edhe mjetet ujore në lumin “Nervion” me tifozët mbi to iu bashkuan festës. Nuk munguan fishekzjarrët, tymueset dhe këngët. Bilbao mposhti 4-2 pas penalltive Mallorcan në finalen e Sevillas të shtunën e kaluar, duke i dhënë fund agjërimit prej katër dekadash. Për t’u theksuar se parakalimi i trofeut dhe lojtarëve ishte në lumin ‘Nervion’.
