Për herë të parë në historinë e SHBA-së do të lejohet vendosja e basteve se kush do të dalë fitues në zgjedhjet presidenciale të nëntorit mes Donald Trump dhe Kamala Harris.
Në risi për tregjet amerikane, shkruajnë mediat, pas vendimit të një gjykatësi federal të premten e kaluar, që i ka hapur rrugë amerikanëve që të vendosin ligjërisht baste në lidhje me rezultatin e zgjedhjeve.
Vendimi lejon “Kalshi”, një kompani parashikimi e rregulluar me ligj, që të hapë lojën që javën e ardhshme duke u mundësuar përdoruesve të vendosin baste nëse Donald Trump ose Kamala Harris do të fitojnë zgjedhjet presidenciale, së bashku me garat e Kongresit në nëntor.
Ky vendim është një moment kyç në tregjet financiare dhe për Kalshin.
