Drejtori ekzekutiv i Instituti Demokratik të Kosovës në një intervistë për portalin Koha.net ka thënë se zgjatja e negociatave ndërmjet VV-së e LDK-së është model i ri në politikën kosovare. Ai ka shfaqur shpresën që te dyja do të arrijnë një kompromis për qeverisje.

Ngërçin politik, Kryeziu e sheh si pasojë e demokracisë së brishtë, e cila i karakterizon edhe subjektet politike.

Sipas tij, vijat e kuqe ndërmjet subjekteve politike nuk kanë shënuar ndonjë dallim në qeverisje, përjashtimisht VV-së, e cila sipas tij, pritet t`i nënshtrohet vlerësimit nga ky aspekt.Z.Kryeziu tre muaj pas mbarimit të zgjedhjeve, mosarritja e një kompromisi ndërmjet VV-së e LDK-së, a tregon paaftësi të subjekteve politike për të prodhuar zgjid

Kryeziu: Përkundrazi këto subjekte po tregojnë se janë të afta përveç garës dhe konkurrencës, t`i japin vlera shtesë funksionimit të demokracisë përmes komunikimit, konsultimit, konsensusit dhe kompromisit, një cikël me hapa të nevojshëm për bashkëqeverisje. Ky është një model i ri për skenën tonë politike, por i njohur dhe i sprovuar nga vende me demokraci të qëndrueshme. Tani këto parti pasi kanë përmbyllur suksesshëm disa hapa nga ky cikël, janë në pikën finale e që është kompromisi, e ku përfshihen detaje si pozitat, njerëzit, portofolit etj. Kjo pikë është vendimtare për ta përmbyllur suksesshëm marrëveshjen. Dua të besoj se në ditët në vijim mund të kemi një kompromis të nevojshëm mbi parimin që dy palët të ndjehen fituese nga arritja e kompromisit.

:Ngërçi politik është bërë pjesë e pandashme e politikës kosovare, a është vërtet problem hisja në pushtet, apo mbajtja pezull e marrëveshjes për qeverisje po pengohet nga rrethana të tjera, si marrëveshja përfundimtare me Serbinë apo veprimet e Gjykatës Speciale?

Kryeziu: Parimet dhe vlerat e demokratike brenda subjekteve politike, vendimmarrja në parti janë rregullator i kualitetit dhe promovimit të një demokracie të qëndrueshme. Ne ende jemi demokraci e re dhe partitë politike ende janë larg këtyre vlerave, si pasojë e të cilave më pastaj kemi ngërçe të panevojshme politike. Në të kundërtën s’mendoj se Gjykata Speciale do duhej të përbënte ndonjë problem për qeverisjen e re, sepse nuk është as përgjegjësi politike e as juridike e lidhur me qeverinë në ardhje. Gjithashtu marrëveshja përfundimtare me Serbinë është një proces, i cili ka nevojë për një konsensus politik me bazë të gjerë dhe nuk e shohë si diçka që mund të jetë pengesë apo përparësi për një subjekt apo koalicion politik.

Vijat e kuqe, të cilat kanë hyrë në diskursin politik kosovar po prodhojnë situata absurdi në politikë. Pse kaq shumë nevojë për animozitet patologjik në relacion ndërmjet partive politike, kur në esencë dallimet po janë simbolike?

Kryeziu: Vijat e kuqe, janë tendencë e një ndarje ose vizatimi të një diference në vlerat qeverisëse e politikëbërse e të cilat jo që vetëm janë shkelur por dhe nuk është se partitë politike kanë arritur që të bëjnë këtë diferencë gjatë mandateve të tyre qeverisëse. Ndryshim këtu është VV-ja e cila ende s’ka arritur të jetë udhëheqëse apo pjesë e qeverisjes kombëtare, prandaj na nevojitet pak kohë për të vlerësuar mbi pritjet dhe kuriozitetin që kanë qytetarët për qeverinë Kur

A shihni rrugëdalje nga kjo situatë, apo duhet zgjatë kohën e negociimit edhe më tej?

Kryeziu: Siç duket nga ajo sa kemi mundur të lexojmë ndërmjet rreshtave nga takimi i fundit, procesi për arritjen e marrëveshjes do edhe një limit kohor, sepse partnerët potencial kanë pasur ngërçe dhe nevoja që të kenë pauza pushimi për t`i konsultuar forumet dhe strukturat e tyre partiake. Unë shpresoj se gjatë kësaj kohe jo shumë të gjatë pushimi do ta kemi një vazhdim të këtyre negociatave dhe së shpejti do ta kemi një qeveri të dalë nga koalicioni LVV-LDK.