Kreu i klanit “Duka”, Leonard Duka, ka dhënë shpjegime në sallën e gjyqit, në një proces ku ai dhe persona të tjerë akuzohet nga SPAK, për vrasjen e Santiamgo Malkos, njeriut më të besuar të biznesmenit të lojërave të fatit, Ervis Martinaj.
Kjo ngjarje është regjistruar në 27 gusht 2019 në zonën e Porcelanit në Tiranë, ndërsa policia arrestoi disa persona dhe disa të tjerë i shpalli në kërkim.
Sipas tij, ai ndodhej në lokalin e tij në Tiranë dhe aty është ndaluar nga policia, ku në polici ka mësuar për vrasjen e Santiago Malkos.
Mesa mbaj mend, ditën e ngjarjes jam shoqëruar nga policia, më kanë marrë shenjat e gishtave, pastaj më lanë të lirë.
Aty kam mësuar për ngjarjen. Kam qenë në lokalin tim deri në orën 10, pasi mbylla lokalin, po ikja për në shtëpi më ndaloi policia. Si çdo ditë me punët, kemi ngrënë një drekë me stafin dhe pastaj kam vazhduar rrjedhën.
Në dëshminë e tij Duka, i njohur ndryshe me emrin “Princi Damian” ka treguar duke pretenduar se nuk ka pasuar asnjë konflikt me viktimën, për më tepër ai ka shtuar se ka pasur njohje me Santiago Malkon dhe vetë Ervis Martinaj.
Duka e ka quajtur të paaftë prokurorin Behar Dibra, duke e akuzuar këtë të fundit se kishte 6 vjet që e mbante në kërkim kot së koti dhe pa asnjë provë.
Sipas Dukës, ditën kur ka ndodhi krimi i rëndë, ai ka qënë në lokalin e tij dhe aty është ndaluar në mbrëmje dhe nga policia.
Prokurori Behar Dibra: Çfarë keni bërë në 27 gusht 2019?
Leonard Duka: Mesa mbaj mend ditën e ngjarjes jam shoqëruar nga policia, më kanë marr shenjat e gishtave, pastaj më lanë të lirë. Aty kam mësuar për ngjarjen.
Kam qenë në lokalin tim deri në orën 10, pasi mbylla lokalin, po ikja për në shtëpi më ndaloi policia. Si çdo ditë me punët, kemi ngrënë një drekë me stafin dhe pastaj kam vazhduar rrjedhën.
Kam qenë me vëllain tim, Erlis Duka, më ka bërë shenjë policia dhe shkuam në polici. Policia bëri punën e vetë në mënyrën më njerëzore, asnjë kundërshtim me mënyrën si më shoqëruan, më kanë nxjerr ditën tjetër. Unë se dija kush kishte vdekur, aty e mora. vesh. Më pyetën, u thashë që nuk kam lidhje me ngjarjen, kam treguar për njohjen e vjetër miqësinë me të ndjerin. Pasi rregulluan letrat në mënyrë korruptive, më shpallën në kërkim. Mund të më thoni ju prokuror pse jam këtu, se unë nuk e di.
Prokurori Behar Dibra: Në çfarë rrethanash jeni njohur?
Leonard Duka: Nga shoqëria e përbashkët që kemi pas na ka ra me u njoh se Shqipëria e vogël është. Nuk kam pasur shoqëri të afërt me të. Jemi nga një zonë këtu në Tiranë.
Unë jam marr me lloto, kisha “Max Lloto” më pronësi. E kam pas të shtrirë në të gjithë Shqipërinë. Administratorët e pikave që kisha nëpër Shqipëri ishim për darkë. Kur u ngritëm ikëm të gjithë në të njëjtën kohë dhe nuk e di me cfare kanë ardhur ata aty. Unë kam qenë me “Audin”. Nuk mbaj mend makina e tjera.
Prokurori Behar Dibra: Një Volsëagen “Golf 5”, a e mban mend?
Leonard Duka: Unë nuk e mbaj mend, di të flas për makinat e mia, nuk e di cfarë përdorte stafi.
Prokurori Behar Dibra: “Skoda Roster”, ku e mbanit?
Leonard Duka: Unë po të jap përgjigje për respekt të gjykatës, se ti nuk e meriton.
Prokurori Behar Dibra: Për respekt të së vërtetës. Jo për mua.
Leonard Duka: Ke 6 vjet më ke mbajtur kot në kërkim.
Leonard Duka: Atë makinë, e merrte secili nga punonjësit që e gjente. Ka qenë një nga disa makinat që kishim për punëtorët. Atë makinën e merrte nga i pari te i fundit po të them, kush e gjente. …. Po të jap përgjigje për respekt të gjykatës, se ti nuk e meriton.
Nuk e di me çfarë është marr viktima. Kisha shumë vite, të paktën 3 pa e parë fare. Shoku i përbashkët që na ka ul është Ervis Martinajn. Këtë të fundit e kam pas shok prej 15 vitesh. Më pas jemi ndarë dhe kam gëzuar respekt për të, secili mori drejtimin e vetë.
Me baste jemi marr ne, ai ka pasur shumë biznese, po ajo që kemi bërë bashkë është se jemi marr me bastet. I kemi pas të përbashkëta, pastaj u ndamë. Kemi nis që në 2006. Nuk kemi pasur asnjë marrëdhënie borxhi mes meje dhe Ervis Martinajt pasi jemi ndarë. Edhe pasi ndamë bizneset, kemi qendruar ndonjëhër2 në shoqëri të përbashkëta, jemi rastit nëpër klabe. Kemi fol ndonjëherë në telefon.
Nuk kemi pasur asnjë konflikt as unë as familja ime. Çuna të rinjë jemi, jemi zon gjithë jetën jemi gri, pse ty s’të ka rënë të zihesh ndonjëherë, kjo punë s’ka lidhje me ngjarjen. Nuk e di sa herë është zënë vëllai im rrugëve.
E kam marr vesh nëpërmjet robve të mi se vetë kam qenë në Gjermani, qe vëllai im është zënë për shkaqe pse më shef.
Në dijeni për ngjarjen më ka vënë babi.
Me vëllain nuk komunikova, sepse ai u fut në burg, doli më pas në gjyq. Rivelino Mumajesin e njoh, kur është plagosur kam qenë në Greqi. Me të njiheshim që në klasën e parë. Aty i ke autoritetet dhe zbuloje çfarë ka ndodhur me atë ngjarje. Edhe Rivelino është marr me baste, e kam ndihmuar të hap një pikë.
Pasi gjyqtarja i ka tërhequr vëmendjen për të ruajtur qetësinë, Duka akuzoi sërish prokurorin.
Leonard Duka: Ku ta gjej qetësinë gjyqtare me këtë? Ky është i paaftë, më mban prej 6 vitesh në kërkim mua dhe e gjithë fisin tim. Vetëm gjyshen që kam në vorr nuk ka shpallë në kërkim, sepse është i paaftë.
Prokurori Behar Dibra: Babait tuaj i ka ndodhur diçka?
Leonard Duka: Nuk ka pasur baba as fyerje, as goditje, nga askush. Santiago dhe Visi, di që kanë qenë shokë. Nuk e njoh Daut Elmazin, As Nensi Shaqirin, nuk e di fare kush është.
Prokurori Behar Dibra: Babait tuaj i ka ndodhur dicka?
Leonard Duka: Nuk ka godit kush babën tim. S’ka pas baba as fyrje as goditje nga askush.
Prokurori Behar Dibra: Me Ervis Martinajn, ke pas konflikt?
Leonard Duka: Jo nuk kam pas konflikt.
