Më herët, në fillim të vitit 2024, gjykata Kushtetuese shfuqizoi “nacionalitetin” edhe në certifikatat e gjendjes civile. Kërkesa për shfuqizim u paraqit nga partia politike “Levica”.
‘Po keqkuptohet në opinion e Gjykata Kushtetuese e ka neutralizuar mekanizmin e balancerit, por ajo ka bërë një gjë edhe më të dëmshme. Ka pamundësuar që shteti ti njohë qytetarët sipas përkatësisë. Pra pas këtij vendimi shteti mua nuk më njeh si shqiptar, mua më njeh si qytetarë të Maqedonisë së Veriut. Nëse jemi qytetarë atëherë shumica e tyre mbivotojnë dhe dominojnë të tjerët. Unë nuk kam më mundësi të mbrohem nga majorizimi dhe jemi kthyer në kushtetutën e para 2001 që ishte gjenerator i krizës’ u shpreh ish-ministri i jashtëm, Bujar Osmani
Gjykata Kushtetuese e Maqedonisë mbajti qëndrim se identifikimi i qytetarëve në bazë të përkatësisë kombëtare është shkelje e të drejtave themelore. Në fakt, ky shihet si justifikim që në fakt bën të kundërtën. Privon pikërisht shqiptarët nga të drejtat e fituara me gjak.
‘Në fakt mos identifikimi i tyre në bazë etnike e po mundëson marrëveshjen e Ohrit ose e bën të pavlefshme sepse bazohet mbi të drejtën e identifikimit etnik’ u shpreh ish-ministri i jashtëm, Bujar Osmani
Ajo që rrezikon tu vërë flakën marrëdhënieve mes shqiptarëve dhe maqedonasve, është abrogimi i ligjit për përdorimin e gjuhës shqipe. Bilall Kasami, kryetar i Komunës së Tetovës me shumicë shqiptarët mbi 80%, mendon se ligji ka ngecur në praktikë.
‘Ligji për përdorimin e gjuhës shqipe ka rregulluar dhe ka avancuar përdorimin zyrtar të saj, por defekti deri më tani shumë pak ka ecur në praktikë. Sot e kësaj dite ky ligj ka ngecur në komentimet që ia bëjnë zyrtarë të caktuar të qeverisë, se cili duhet të jetë niveli i përdorimit të tij’ u shpreh Bilall Kasami, Kryetar/ Komuna Tetovë.
