Evertoni u mposht me rezultatin 1-0 nga Liverpuli. Derbi i buzëqeshi këtyre të fundit, ndërsa çfarë ka ndodhur jashtë fushës së blerta ka kaluar limitet.
Lojtari i Evertonit, Tarkovski, është kërcënuar me jetë bashkë me familjen e tij përmes rrjeteve sociale.
Gjithçka lidhet me ndërhyrjen ndaj Mek Alister në derbi, që nuk u ndëshkua me karton të kuq.
Për kërcënimet e adresuara në drejtim të Tarkovski, klubi ku luan Broja ka postuar një deklaratë.
“Klubi Evertonit është në dijeni të kërcënimeve të bëra ndaj Xhejms Tarkovskit dhe familjes së tij në rrjetet sociale. Një sjellje e tillë është krejtësisht e papranueshme dhe nuk ka vend në futboll apo shoqëri.
Klubi po komunikon me Xhejms dhe gruan e tij Samanta dhe është i gatshëm të angazhohet me kompanitë e rrjeteve sociale dhe të ndihmojë policinë me çdo hetim të mundshëm.
Everton dënon fuqimisht çdo formë të frikësimit, kërcënimeve ose abuzimeve ‘online’ ose ‘offline’ të drejtuara ndaj lojtarëve, stafit ose familjeve të tyre”, shkruan Everton.
