Kam parë shumë spote reklamash, arsyetime cunge, por mendoj se nuk është kapur thelbi se asnjë nga këto nuk ka bërë shqiptarët të ikin.
Këto janë arsyet e vërteta pse ikin shqiptarët.
Mungesa e konkurrencës së lirë, tek vendet e punës edhe financimet për publikun, fermerë, biznes i ri etj., nga agjencitë qeveritare që merren vetëm me tesera partie apo me “shërbime” patronazhi.
Tenderat janë të paracaktuar, mungon edhe në këtë aspekt konkurrenca.
Koncesionet janë një tjetër element që ka shkatërruar garën e ndershme, ka zhdukur konkurrimin, duke zhdukur ekonominë e tregut të lirë dhe duke e zëvendësuar me ekonominë e komanduar nga pushteti. Kjo është thelbësore në lirinë e individit.
Mungon shëndetësia e vërtetë, “Shëndetësia falas” nuk ekziston, është veç parrullë. Njerëzit sot harxhojnë më shumë dhe janë të pasigurtë, këtë e tregojnë mungesa e mjekimeve, pajisjeve dhe ilaçeve tek spitalet ku luftohet me vdekjen, si onkologjia, si për të rritur ashtu edhe për fëmijët.
Rilindasit thonĂ«: “Po hajde se ata janĂ« tĂ« dĂ«nuar me vdekje.” Nuk ka asnjĂ« shenjĂ« tĂ« humanizmit tek kjo parti politike. Kjo ju mungon shqiptarĂ«ve: humanizmi. Kjo Ă«shtĂ« kriminale!
Mungesa e mbrojtjes shtetërore, policia. “Të fortët” janë më të fortë se ligji dhe qytetari i thjeshtë është vetëm viktimë e tyre. Përballë policisë, qytetari i thjeshtë, njeriu normal ndihet si një qytetar i dorës së dytë. “Të fortët” politikë komandojnë policinë dhe organet e hetimit. Përballë tyre, qytetari ndihet pa asnjë të drejtë, pa asnjë vlerë, qytetar i dorës së dytë.
Mungesa e drejtësisë.
Sot, të marrësh një vendim gjykate kur të janë shkelur të drejtat, të duhen nga 6-8 vite në rastin më të mirë. Të heqin nga puna edhe të duhet 8 vite edhe miliona lekë të përfundojë gjyqi dhe kur mbaron ke humbur 8 vite jetë edhe paratë që merr janë njësoj me ato që ke harxhuar.
Këtu nuk flasim për gjyqet e pronave që pësojnë një kalvar të frikshëm.
Edhe mbi të gjitha arroganca e pushtetit që shpërndahet si një piramidë dhimbjeje njerëzore.
Këto janë arsyet pse ikin të rinjtë, pse ikin shtresat e mesme nga Shqipëria, se politika që ndiqet është e tillë.
Shqiptarët nuk ikin për aventurë, por se nuk durojnë arrogancën, të fortët, padrejtësinë dhe ndjejnë mungesën e shëndetësisë edhe barazisë në konkurrencë e tregut të lirë, si për vendet e punës, ashtu edhe tek financimet apo programet qeveritare, si edhe siguria personale.
Përfundimisht, arsyet që vrasin shpresën janë arroganca, mungesa e konkurrencës, drejtësia dhe liria!
Këto detyrojnë njerëzit të ikin! Sot, në 12 vite nga 4 faktorët e mësipërm u vra shpresa dhe vullneti i të riut, u vra puna edhe konkurrenca.
Ndaj, në 11 maj VOTO për Lirinë e individit, konkurrencën e ndershme, për një Drejtësi pa tesera partie, për shtet të vërtetë përballë krimit, jo krah tij.
VOTO NUMRIN 1!
