Dollari amerikan e ka mbyllur këtë javë pozitivisht pasi pas një rënieje të vazhdueshme ka regjistruar këtë mëngjes një rritje të vlerës në raport me dje duke u blerë sot me 86.6 lekë dhe duke u shitur me 88 lekë.
Sipas kursit të këmbimit lokal monedha europiane vazhdon të pësojë luhatje të kuotës edhe mëngjesin e sotëm pasi në raport me ditën e djeshme është blerë sot me 97.7 lekë dhe është shitur me 98.6 lekë.
Franga zvicerane gjithashtu ka regjistruar luhatje të lehta e të vazhdueshme të kuotës edhe këtë fund jave teksa është blerë sot krahasuar me ditën e enjte me 104.2 lekë dhe është shitur me 105.4 lekë.
Paundi britanik ndërkaq duket ta ketë mbyllur këtë javë pozitivisht pasi krahasuar me dje ka shënuar një rritje të lehtë të vlerës teksa është blerë sot me 114.6 lekë dhe është shitur me 116 lekë referuar tregut të brendshëm valutor.
