Trajneri i kombëtares së Austrisë, Ralf Rangnick, është shtruar në spital për herë të dytë brenda disa ditësh, për shkak të një infeksioni serioz pas një operacioni rutinë në kyçin e këmbës në Salzburg.
Fillimisht, operacioni kaloi pa komplikime dhe 67-vjeçari u lirua menjëherë, por më vonë plaga u inflamua rëndë, duke kërkuar ndërhyrje të dytë kirurgjikale emergjente.
Sipas “The Sun”, Rangnick shpreson të kthehet në shtëpi brenda pak ditësh, ndërsa Shoqata Austriake e Futbollit është optimiste për rikthimin e tij në kohë për ndeshjet kualifikuese të Kupës së Botës.
Austria do të përballet me Qipro dhe me Bosnjën, dhe trajneri pritet të jetë në bankinë për këto sfida.
Zëdhënësi i Federatës Austriake, Thomas Trukesitz, qetësoi opinionin publik duke deklaruar: “Ralf Rangnick është mirë. Askush nuk duhet të shqetësohet për shëndetin e tij”.
Rangnick u bë trajner i përkohshëm i Manchester United në vitin 2021 pas shkarkimit të Ole Gunnar Solskjaer, por aventura e tij në Old Trafford zgjati vetëm gjashtë muaj.
Pas largimit nga United, ai u përqendrua te Austria, por mbeti i angazhuar si analist, ku kritikoi qasjen taktike të ish-klubit të tij, duke theksuar mungesën e përputhjes mes trajnerit aktual dhe ndërtimit të skuadrës.
