Sunderland po shqyrton një lëvizje ambicioze për të nënshkruar me mesfushorin e Bayer Leverkusen, Granit Xhaka.
Futbollistit shqiptar i kanë mbetur edhe tre vjet në kontratën e tij me Leverkusenin, por mund të lejohet të largohet këtë afat kalimtar.
Sunderland përballet me konkurrencë nga Arabia Saudite për nënshkrimin e ish-mesfushorit të Arsenalit.
Madje, ditë më parë u raportuar se tashmë Xhaka ka marrëveshje personale për t’u transferuar në Saudi, mirëpo klubet ende nuk kanë gjetur akordin.
Futbollisti me origjinë nga Kosova kaloi shtatë sezone te Arsenali pasi u bashkua nga Borussia Monchengladbach në vitin 2016.
Ai iu bashkua Leverkusenit në vitin 2023, duke luajtur një rol kyç në fitimin e titullit të Bundesligës në sezonin e tij të parë.
Sezonin e kaluar, ai luajti 49 ndeshje teksa skuadra e tij përfundoi e dyta, duke përfshirë të 10 ndeshjet e tyre në Ligën e Kampionëve.
