Autori i dyshuar i ngjarjes së rëndë të ditës së sotme në Shkodër (ku u vranë 2 persona dhe mbetën të plagosur 2 të tjerë), Ragip Gila, 30 vjeç, ka deklaruar para hetuesve duke theksuar se objektivi i tij ishte vetëm një person, Erogen Vaso.
“Erogen Vaso ka ndenjur duke më ka kërcënuar dhe kisha probleme me të. Më ka bërë si i fortë dhe më ka çuar fjalë. E kam pasur personale vetëm me Ergogen Vason dhe doja të qëlloja vetëm atë. Pra kam pasur probleme personale me të”, mësohet të ketë thënë autori i dyshuar Gila pas marrjes në pyetje në polici”, ka rrëfyer Gila në polici, duke sqaruar se nuk kishte synuar të qëllonte të tjerë persona në vendngjarje.
Sipas dëshmisë së tij, Gila pretendon se kishte një konflikt të vazhdueshëm me Vason.
“Erogen Vaso ka ndenjur duke më kërcënuar dhe kisha probleme me të. Më ka bërë si i fortë dhe më ka çuar fjalë. E kam pasur personale vetëm me të dhe doja të qëlloja vetëm atë,” mësohet të ketë thënë ai gjatë marrjes në pyetje.
Në ngjarjen e rëndë të ditës së sotme humbën jetën Armando Pali dhe Liridon Kraja, ndërsa të plagosur mbetën Erogen Vaso, që dyshohet të ketë qenë objektivi i atentatit, dhe kamerierja Meri Kaceri.
Gila u arrestua pas ndjekjeje nga policia, gjatë së cilës u rrëzua nga një lartësi poshtë shinave të trenit në shtratin e lumit Kir, duke pësuar një dëmtim në këmbë. Në ato momente, ai është detyruar të dorëzohet. Pas arrestimit, ai u dërgua për trajtim mjekësor dhe më pas dha deklaratën e parë.
