Secili sipas mënyrës së vet, ata kanë lënë gjurmën e tyre në historinë e Brexit-it, që do të finalizohet sot në mesnatë.
Ja cilët janë personazhet kryesore të kësaj sage.
David Cameron
Kryeministër për gjashtë vjet, nisur nga viti 2010, ai do të mbahet mend si njeriu nga u nxit Brexit, ndaj të cilit ishte kundër.
Ai dha dorëheqjen të nesërmen e referendumit, ku Britania e Madhe votoi me 52 % largimin nga BE.
Nigel Farage
Polemik dhe i çuditshëm, ky ish-tregtar 55-vjeçar është apostulli i palodhur i Brexit-it, në krye të Partisë së Brexit-it që nga prilli 2019.
Theresa May
Euroskeptike, por në favor të qëndrimit në BE, ajo merr kryesimin e qeverisë konservatore pas largimit të Cameron-it.
Ajo njoftoi dorëheqjen e saj më 24 maj 2019, një ditë pas zgjedhjeve europiane, që ishte e detyruar të thërriste.
Boris Johnson
I ardhur në fund të korrikut në “Doëning Street”, 55-vjeçari pro Brexit nuk arrin ta mbajë premtimin e tij për të arritur Brexit-in më 31 tetor, por shumica e madhe me të cilën fitoi në zgjedhjet e dhjetorit i dha mundësinë të lërë gjurmë në histori, duke e bërë Britaninë e Madhe vendin e parë që largohet nga Bashkimi Europian.
Michel Barnier
Mbrojtës i zjarrtë i interesave të bllokut europian, 69-vjeçari arriti të ruajë unitetin e 27 vendeve anëtare në diskutimet me Londrën, veçanërisht për çeshtjen e mprehtë të kufirit të Irlandës së Veriut.