Pas fitores së thellë në derbin ndaj Manchester United, atmosfera në kampin e Manchester City është rikthyer në nivelet më të larta.
Pep Guardiola, i ngazëllyer për nisjen e sezonit të ri në Champions League, ka paralajmëruar për vështirësitë që e presin skuadrën e tij përballë Napolit të Antonio Contes, kampion në fuqi të Italisë.
“E di që përballë skuadrave të Contes është gjithmonë shumë e vështirë. Ka bërë mirë kudo ku ka qenë dhe nuk kam asnjë dyshim se nesër na pret një sfidë e ashpër,” u shpreh Guardiola.
Ndeshja do të shënojë edhe rikthimin e Kevin De Bruyne, i cili pas kalimit të verës është përshtatur menjëherë me skuadrën. “E dija që do të ambientohej shpejt, nuk është surprizë për mua,” tha trajneri katalanas.
Guardiola foli edhe për skocezin Scott McTominay, i cili me fanellën e Napolit ka qenë protagonist i suksesit në Serie A: “Ka një formë të shkëlqyer dhe ka dhënë një ndikim të madh.”
Në portë, City do të ketë Donnarummën, për të cilin Guardiola shprehu vlerësim maksimal: “Në dekadën e fundit kemi pasur portierë fantastikë dhe Gigio është në këtë nivel.”
