Katër persona nga Shkupi janë arrestuar pasi të njëjtit, sipas Policisë, janë kapur duke vjedhur një bust prej bronzi në Varrezat e Butelit në Shkup.
Nga Ministria e Punëve të Brendshme njoftojnë se është konfiskuar automjeti me të cilin personat në fjalë po transportonin bustin.
“Më 17.09.2025, rreth orës 18:30, në Varrezat e Qytetit në Butel, policët e SPB Shkup – Stacioni Policor Çair, për shkak të dyshimeve për kryerjen e një vepre penale sipas nenit 236 të Kodit Penal, kanë arrestuar O.Sh. (49), M.Sh. (22), Lj.F.A. (26) dhe Z.R. (26), të gjithë nga Shkupi. Në automjetin “Peugeot” me targa të Shkupit, që drejtohej nga Z.R., ndërsa të tjerët ishin pasagjerë, është gjetur dhe konfiskuar një bust prej bronzi me figurë të dy trupave njerëzorë në pozicion ulur, njëri në madhësi më të madhe dhe tjetri më i vogël, që ishte marrë nga varrezat”.
“Nga Z.R. është konfiskuar edhe automjeti, ndërsa pronarja e bustit ka bërë identifikimin. Personat janë ndaluar në stacionin policor dhe, pas dokumentimit të plotë të rastit, ndaj tyre do të ngrihet kallëzim përkatës”, thonë nga MPB.
