Real Madridi e kishte gjithçka të lehtë, duke e shkatërruar Valencian 4-0 në Bernabeu. Blancos e nisën mjaft mirë sfidën, Militao fitoi një penallti dhe Mbappé në minutën e 19-të nuk bëri asnjë gabim. Francezi vazhdoi serinë e tij të shkëlqyer në minutën e 31-të, duke marrë asistin e Arda Guler për ta çuar rezultatin në 2-0.
Disa minuta më vonë, vendasve iu dha një tjetër penallti, por Vinicius nuk arriti ta shndërronte në gol. Një minutë më vonë, në minutën e 44-të, Jude Bellingham firmosi për 3-0.
Ritmi u ngadalësua pak në pjesën e dytë, me Merengues që morën tri pikët pa vështirësi. Madje pati vend edhe për një gol të katërt të shënuar nga Carreras në minutën e 82-të. Me këtë fitore 4-0, Real Madridi u ngjit në 30 pikë në renditje, shtatë përpara Villarrealit dhe tetë përpara Barcelonës.
