Manchester City bëri një hap fals në ndeshjen e tij të radhës në kampionatin anglez. Skuadra e Pep Guardiolës u mposht në St. James Park nga Newcastle me rezultatin 2-1 me Magpies që merr fitoren e parë në premier League ndaj skuadrës së Guardiolës.
Fillimi i ndeshjes ishte i zjarrtë me të dyja skuadrat që patën nga një mundësi me Barnes dhe Haaland. Por pritja e parë e vërtetë u regjistrua në minutën e 13 dhe ai që e bëri ishte Donnarumma që ndali Woltemade. Në minutën e 25 portieri italian e ndali sërisht futbollistin gjerman të Newcastle, ndërkohë që edhe Barnes iu afrua golit të avantazhit.
Në minutën e 35 ishte Pope që u shndërrua në një mur për Manchester City teksa ndali një gjuajtje të Foden. Gjithsesi pjesa e parë u mbyll 0-0, ndërkohë që në pjesën e dytë ndryshuan gjërat. Në minutën e 64, Newcastle zhbllokoi rezultatin me Barnes për të marrë avantazhin 1-0. Përgjigjja e Manchester City ishte e menjëhershme teksa në të 68 minutë, Dias barazoi rezultatin në 1-1.
Një barazim që zgjati vetëm 2 minuta pasi Newcastle mori sërish kryesimin në rezultat tani 2-1, sërish me Barnes, një gol që erdhi pas një tramverse të goditur nga Bruno Guimaraes. Në fund rezultati mbeti 2-1 për Newcastle që shkon në 15 pikë, ndërsa Manchester City mbetet më 22 pikë dhe e sheh veten të parakalohet nga Chelsea në vendin e dytë të klasifikimit.
